ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សម្ដេចតេជោស្នើដល់អគ្គលេខាធិការអង្គការសហប្រជាជាតិឱ្យដាក់បញ្ជូលបញ្ហាមីនក្នុងផែនការអភិវឌ្ឍន៍

  • ចុះផ្សាយថ្ងៃទី២២ ខែវិច្ឆិកា ឆ្នាំ២០២២ ម៉ោង ០៨:៥៧ នាទី ដោយ Hun Sirivadh
  • 2525
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានស្នើដល់អគ្គលេខាធិការអង្គការសហប្រជាជាតិលោក អែនតូនីញ៉ូ ហ្គោធើរ៉េស ឱ្យពិនិត្យដាក់បញ្ចូលបញ្ហាបោសសម្អាតមីនក្នុងផែនការអភិវឌ្ឍន៍របស់អង្គការសហប្រជាជាតិ។

ថ្លែងក្នុងពិធីបិទសន្និបាតខួប៣០ឆ្នាំ នៃសកម្មភាពមីននៅកម្ពុជា ព្រឹកថ្ងៃទី២២ ខែវិច្ឆិកា ឆ្នាំ២០២២ នៅសាលមហោស្រពកោះពេជ្រ សម្ដេចតេជោ ហ៊ុន សែន បានបង្ហើបថា ក្នុងជំនួបរវាងសម្ដេចតេជោ ជាមួយអគ្គលេខាធិការអង្គការសហប្រជាជាតិ កាលសប្ដាហ៍ទី២ ខែវិច្ឆិកា ក្នុងកិច្ចប្រជុំអាស៊ាន។ សម្ដេចបានពិភាក្សាបញ្ហាមួយចំនួនដែលមានដូចជាបញ្ហាមីន ការបញ្ជូនទាហានមួកខៀវ និងបញ្ហាខ្មែរក្រហម។

សម្ដេចតេជោ បញ្ជាក់ថា ក្នុងពេលនោះសម្ដេចបានស្នើឱ្យលោក អែនតូនីញ៉ូ ដាក់បញ្ចូលបញ្ហាបោសសម្អាតមីនក្នុងផែនការអភិវឌ្ឍន៍ដោយចីរភាពរបស់អង្គការសហប្រជាជាតិផងដែរ ដោយសារសម្ដេចបានមើលឃើញថាបញ្ហាមីននៅតែមានបញ្ហាប្រឈមនៅក្នុងប្រទេសជាច្រើនក្នុងពិភពលោក។

ជាការឆ្លើយតបលោកអគ្គលេខាធិការអង្គការសហប្រជាជាតិថាលោកនឹងទទួលយកនឹងយករឿងនេះទៅជជែកជាមួយប្រទេសនានាដើម្បីដាក់បញ្ជូលផងដែរ។

សម្ដេចតេជោបញ្ជាក់ថាក្នុងពេលប្រជុំនោះពុំមានការនិយាយពីបញ្ហាសិទ្ធិមនុស្សនៅកម្ពុជាទេ។

គោលដៅអភិវឌ្ឍន៍ប្រកបដោយនិរន្តរភាព ឬគោលដៅសកល គឺជាបណ្តុំនៃគោលដៅសកលដែលជាប់ទាក់ទងគ្នាចំនួន១៧ ដែលត្រូវបានរចនាឡើងដើម្បីជា "ប្លង់មេចែករំលែកសម្រាប់សន្តិភាព និងវិបុលភាពសម្រាប់មនុស្ស និងភពផែនដីឥឡូវនេះ និងទៅអនាគត"។ SDGs ត្រូវបានបង្កើតឡើងក្នុងឆ្នាំ២០១៥ ដោយមហាសន្និបាតអង្គការសហប្រជាជាតិ ហើយគ្រោងនឹងសម្រេចបាននៅឆ្នាំ២០៣០។

កម្ពុជាក៏បានដាក់អនុវត្តន៍តាមផែនការនោះដែរ តែបានបន្ថែមការបោសសម្អាតមីនមួយទៀតដែលធ្វើឱ្យ SDGs សម្រាប់កម្ពុជាមាន១៨៕

PHOTO: EAC NEWS

ព័ត៌មានជាច្រើនទៀតសម្រាប់អ្នក